Er tilgangur lífsins að vorkenna aumingja Britney Spears?

uuuuhhh... nei!!     Mér gæti eiginlega ekki verið sama.  Mér finnst bara að hún og hennar líkar ættu að fara í Hagkaup og versla sér klæði utan á sig og einbeita sér að búa til almennilega tónlist, þetta lið er alltaf með sama búmm búmm taktinn undir hjá sér, dansandi sömu danssporin. 

Varðandi nektina þá er það ekki það, að mér finnist leiðinlegt að horfa á þessa kroppa en mér finnst myndböndin öll vera orðin eins, hálf nakið kvenfólk dansandi eins og ég veit ekki hvað.  Það liggur við að maður geti sagt það, að það sé verið selja nekt en ekki tónlist í þessum myndböndum... er maður orðinn gamall eða hvað???    Nei fjandinn hafi það!! 

Ég elska Britney sama hvað hver segir!!

Góðar stundir

Spears sögð hafa grátið baksviðs

Er tilgangur lífsins að handsama Binna L?

Vá maður, þegar maður hélt að bandaríkjamenn gætu ekki verið mikið heimskari þá kemur þessi bomba.  Það er nauðsynlegt að handsama Binna L!!!  Ferfætlingurinn minn hann Móses er búinn að átta sig á því og hann er bara að verða 4 mánaða.  Ég held að öll heimsbyggðin hafi áttað sig á því þann 11.09.01, kannski eru bandaríkjamenn bara svona langt á eftir.

Mín skoðun er sú að þegar USA herinn er búinn að ná Binna, þá á herinn að draga sig heim til sín og hætta að skipta sér af öllu og öllum.  Bandaríkin þrífast á stríði og er kominn tími til að þeir láti vopnin síga.

Góða stundir

 

Thompson: Nauðsynlegt að handsama bin Laden og taka hann af lífi

Er tilgangur lífsins að sofa út um helgar?

Ekki ef þú heitir Daníel og það er mjög slæmt þar sem ég er B-týpa og elska að sofa út.  Hann Móses minn er álíka stundvís og Seiko úrið sem ég eignaðist þegar ég var 8 ára.  Klukkan 07:00 er kappinn vaknaður og heimtar að fara út að pissa, reyndar gleymdi hann að heimta það í morgun svo ég var þrífandi kúk og piss klukkan 07:05    

Um 07:20 vakna rekstrarleigubörnin og byrja að glápa á barnaefnið og baráttan um sófann byrjar.  Þá er friðurinn endanlega úti, allavegana fyrir mína parta, en mamma þeirra er gædd þeim skemmtilega eiginleika að geta sofið af sér sprengjuárás Binna Ladden og félaga.

Rekstrarleigubörnin eru nú samt alveg ágætis skinn og þykir mér vænt um þau, ég get bara ekki sofið fyrir þeim. 

 

Góðar stundir

Er tilgangur lífsins að vera með gestabók?

Ekki ef maður er stjórnandi síðunnar um tilgangur lífsins   Ég verð samt að segja fyrir mína parta að ég kvitta mjög sjaldan í svona gestabækur... kannski er það að koma til baka og bíta mig í rassinn?  Eða er það kannski sú staðreynd að það veit ekki nokkur kjaftur um þessa blessuðu síðu mína?? hahahaha... líklegast er það ástæðan en það er bara hið besta mál.  Spurning um að maður fari að reyna að blogga meira, pistlarnir verða samt áfram jafn gáfulegir

Þegar fyrsti einstaklingurinn kvittar í gestabókina mun ég fagna ógurlega og opna 990.- kr. Cato negro rauðvínsflösku, en þangað til...

Góðar stundir

Er tilgangur lífsins að kúka í vinnunni?

Í gamla daga þá studdust menn við sólina til að segja til um hvernig tímanum leið.  Núna, nokkrum hundruðum ára síðan er ég byrjaður að styðjast við afturendann á mér.  Ég veit nákvæmlega hvenær klukkan slær 11:00 því þá er mál fyrir mig að standa upp og kúka í vinnunni.  Það jafnast ekkert á við það að sitja á dollunni og gera sitt á launum.

 

Ef ég verð launagreiðandinn þinn einhvern tímann, þá skaltu samt kúka heima hjá þér!!

 

Góðar stundir

Er tilgangur lífsins að vera nakinn sjónvarpsfréttamaður?

Þetta er svolítið sniðugt, ég er viss um að þetta myndi auka áhorf á fréttirnar, tala nú ekki um ef Kastljósið með Ragnhildi Steinunni og Ísland í dag með henni Ingu Lind myndu taka upp á þessu líka.

 

Spurning með veðurfréttirnar, veit ekki hvort ég myndi gúddera Sigga storm buttnaked að segja frá krakkaveðrinu næstu daga... en það er samt aldrei að vita.

 

Góðar stundir

Naktir fréttamenn vekja upp deilur í Japan

Er tilgangur lífsins að fara í hnattflug á einshreyfils fisflugvél?

Já, ef þú hefur akkúrat ekkert annað með tímann að gera.. 

Góðar stundir

Indverskir flugmenn slógu met í hnattflugi

Er tilgangur lífsins að fara niður í miðbæ til að láta berja sig?

Hvað er að verða um höfuðborg okkar Íslendinga??  Það skiptir ekki máli hvaða helgi er, alltaf heyrir maður fregnir af ofbeldi í miðbænum.  Fyrir mína parta þá hef ég ekki einn einasta áhuga á því að fara á djammið í Sódómu... ég er of lífhræddur til þess. 

Fagna því að það sé verið að reyna að taka á málunum.

 Góðar stundir

Sammála um að bæta þurfi ástandið í miðborginni

Er tilgangur lífsins að hryggbrjóta sex ára gamla stúlku?

hehehehehe... ég held að Simon Cowell hafi toppað sig í þetta skipti.  Hann hefur drullað á ýmsa skemmtilega máta yfir og niðurbrotið wanna-be-söngvara í American Idol í nokkur ár en þetta er bara snilld.  Að segja 6 ára telpuhnokka að hann ætli að gera hana að stórstjörnu og segja svo "allt í plati rassagati, ætla ekki að gera það" er hans stærsta niðurbrot til þessa... þetta er lögreglumál eins og mr. Bárðarson myndi segja.  Þetta er hans stærsta drull til þessa en það er bara verst að hann gerði það í sínar eigin brækur!

Ef ég mætti velja á milli dómarana Simon Cowell og mr. Bárðarsonar í Idolinu eða X-factor, þá myndi ég velja Pál Óskar. 

Góðar stundir

 

Simon Cowell sveik sex ára gamla stúlku

Er tilgangur lífsins að skýra barnið sitt ofurhetju nafni?

Ég las það um daginn á mbl.is að foreldrar á Nýja Sjálandi vildu skýra son sinn Superman, eftir að þeim var hafnað að skýra drenginn 4real.  Ég spyr.... hvað er eiginlega að??  Er þetta fólk eitthvað ga-ga??  Þetta barn á svoleiðis eftir að verða fyrir einelti! 

Ef mamma og pabbi hefðu skýrt mig ofurhetjunafni þá væri ég líklega Rauðhærða fíflið!  

Góðar stundir