Er tilgangur lífsins að vera fullnægður?

Húúú haaaa... eins og Pacino sagði svo eftirminnilega í einhverri bíómynd.  Ég samhryggist þessum konum sem ekki hafa upplifað þetta.  En til hvers að kaupa hjálpartæki?  Þau hljóta reyndar að krydda kynlífið eitthvað en skynsamlegra væri nú líklega að senda kallana þeirra á kynlífsnámskeið hjá Ragnheiði Eiríks!!  Ég myndi líka líta í Kolaportið um helgina ef ég væri þær og litast um eftir kalli sem er ekki með Speedy Gonsales í naríunum og veit eitthvað meira en bara hvar innstungan er.

Ef ég væri á lausu þá myndi ég eflaust bjóða þessu kvenfólki upp á aðstoð mína, eins og allir þeir karlmenn hafa örugglega hugsa þegar þeir lásu þessa frétt

Góðar stundir

Fá aldrei fullnægingu

Er tilgangur lífsins að vera fréttamaður?

Karl Eskil Pálsson fréttamaður á RÚV er kannski betur þekktur meðal Siglfirðinga sem Kalli í Álfhól, og það sem mér finnst svolítið merkilegt við hann er það að hann kemur aldrei með góðar fréttir frá Sigló í þau fáu skipti sem hann kemur hingað.  Hvernig stendur á því?  Er hann bara sendur frá RÚV þegar eitthvað “slæmt” gerist eða er það hans val að koma þegar eitthvað “slæmt” er í gangi?  KS/Leifur upp um deild, ég man ekki eftir að Kalli hafi coverað það, frekar en fyrsta handknattleiks leikinn í Klakahöllinni í 10 ár, eða um vaxandi fasteignaverð í firðinum, eða þegar Leikfélag Siglufjarðar hefur sett upp flottar leiksýningar, eða þegar mamma og pabbi fengu verðlaun fyrir fallegasta garðinn á Sigló, eða, eða, eða hvað... þetta eru kannski ekki neinar fréttir.  Hvernig er það, gerist ekkert hérna? 

En hvað um það, næst þegar eitthvað gott, glaðlegt og skemmtilegt gerist í firðinum þá skora ég á Kalla að koma og gera því góð skil.

Góðar stundir

Er tilgangur lífsins að éta skonsur?

Ég gæti étið skonsur endalaust!!  Ef maður hendir smá smjöri og osti á skonsu kvikindið, fær smá yl í þetta í örranum og fær sér ískalda mjólk með þá er þetta næstum því betra en.... að taka slátur.  Skonsur, skonsur, skonsur.... ég er orðinn svangur á því að blogga eitthvað rugl varðandi skonsur, verst hve það er óhollt að troða út belginn á sér rétt fyrir svefninn. 

Skonsur, hver bloggar eiginlega um skonsur??  Fríkað!

Góðar stundir

Er tilgangur lífsins Westlife eða Spice Girls?

HAHAHAHAHAHAHA.... Westlife og Spice Girls á leið í harðan slag.  Þetta er æðisleg fyrir þá sem hafa unun af stelpuslagsmálum!! 

Góðar stundir

Stefnir í harðan slag Westlife og Spice Girls

Er tilgangur lífsins að vera í nöp við Gogga Clooney?

Vá, þvílík frétt!!!  Ég er gjörsamlega ónýtur eftir lesturinn á henni og mun pottþétt gráta mig í svefn í kvöld yfir Angelinu og Gogga hahaha... 

Fyrr má nú vera fréttaskortur fyrst þetta fær að fara í loftið, skorturinn jafnast alveg á við blogglega andleysið sem ég er að ganga í gegnum. 

Góðar stundir

Angelinu Jolie er í nöp við George Clooney

Er tilgangur lífsins að vera athyglissjúkur?

Ég veit ekki, ég kannast ekki við að þjást af því... að miklu leyti... eða... já, nei ég kannast ekki mikið við það.     Ég hljóp reyndar eftir einni samverkakonu minni sem var að taka myndir í dag og náði að troða mér inn á eins og ca. 10 myndir, en ég er samt ekki athyglissjúkur. 

Ég er með þá kenningu að það sé til tvennskonar athyglissýki.  Það er týpan sem hoppar um eins og hálfviti og liggur við argar “Horfið á mig, horfið á mig” og þetta er týpan sem getur gjörsamlega drepið mann úr leiðindum.  Svo er það týpan sem er í leikfélaginu, að syngja hér og þar, alltaf að koma fram fyrir framan fólk, það er bara hið besta mál.  Sum af mínum áhugamálum, eins og leiklist, söngur og gítarglamur, eru reyndar að færa mér ómælda athygli.  Satt að segja þá er fátt sem jafnast við kikkið sem maður fær við að standa á sviði og leika, en mér finnst ég samt ekkert vera athyglissjúkur.  Þess vegna hef ég jú byrjað að blogga, til þess að fá minni athygli. 

Góðar stundir

Er tilgangur lífsins að sitja á afturendanum og gera ekki neitt?

Aaaahhhh.... ég er ekki frá því að það sé komið afturendafar í sófann.  Ég er búinn að standa mig svo vel í því þessa helgina í því að gera ekki neitt að ég á eiginlega heiður skilið.  Ég elska svona daga.    Þetta hefur samt komið svolítið niður á fæðinu hjá mér en mamma og pabbi redduðu mér alveg með því að bjóða mér mat, svo matarkvíðinn hefur ekki verið mikill í dag.

Mér sýnist afturendafarið vera farið að kólna og ætla að sinna því þangað til að svefninn kallar.  Á morgun hefst svo ný og spennandi vinnuvika og verður slenið hrist af sér í ræktinni.

Góðar stundir

Er tilgangur lífsins að vera einn heima?

Ég er einn heima.  Ég er búinn að vera með matarkvíða í rúma viku því eftir að ég byrjaði í sambúð þá hef ég misst allt sjálfstraust í eldhúsinu.  Það er varla að ég get skammtað mér sjálfur þegar búið er að elda matinn.   

Minn staður er bara ekki í eldhúsinu, en ef ég kemst í þvottahúsið þá er ég í S-inu mínu.  Ég get bara ekkert gert að því að ég búi með konu sem getur ekki eldað vondan mat.  Ég náði að peppa mig upp í það að í kvöld, að skella einum pakka af fiskibollum á pönnu með brúnni sósu frá því í gær og hita upp hrísgrjón.  Grjónin voru heit, fiskibollurnar semi heitar og sósan frá því í gær var eiginlega ekki eins og sósa, heldur eins hlaup sem lent hefur í þeytara í nokkrar sekúndur.  Ekki mjög fallegt en bragðið var alveg mjög fínt.

Ég hef svolitlar áhyggjur af morgundeginum, hvað á maður eiginlega að éta?  Spurning um að éta það sama og hundurinn eða panta bara pizzu. 

Góðar stundir

Er tilgangur lífsins að vera hundur á góðu heimili?

Kostir:

-          Engar áhyggjur
-          Alltaf nóg að éta
-          Allt virðist gott á bragðið, líka vaxlitir
-          Nóg af athygli
-          Engin heimilisstörf
-          Tóm plastflaska er alveg geggjað skemmtileg
-          Kúkurinn skemmtilega marglitur, fer eftir vaxlitaáti
-          Leyfilegt að leggja sig anytime
-          Lífið er til að leika sér
-     Að sleikja sig að neðan er ekkert mál
-     Enginn hneykslast þegar maður er að atast í slátrinu

Ókostir

-     Lítið sem ekkert kynlíf
-     Geldun!!

Svarið er augljóslega no way!! 

Góðar stundir

Er tilgangur lífsins að komast á Alþingi?

Það virðist vera fyrir okkur Siglfirðinga.  Ég ætti kannski að sækja um ráðherrajobb?

Með Siglfirðingum skal land byggja!!

Góðar stundir

Siglfirðingar fjölmennir á Alþingi