Er tilgangur lífsins að vera sauður?

Fyrsta asnastrik ársins leit dagsins ljós fyrir stuttu, árið er varla búið að slíta barnaskónum og strax er maður byrjaður. 

Ég eignaðist fyrir einhverju síðan þennan fína ilm frá meistara Beckham og með ilmum fylgdi einnig svitalyktaeyðir meistarans.  Ég man engan veginn hvernig ég eignaðist þessa fínu gripi en það mun verða aukaatriði í þessari frásögn og er þessi setning sett hérna inn eingöngu til að lengja bloggfærsluna.  Ég er nýbyrjaður að brúka svitalyktareyðirinn og ég nota svona vörur ekki mjög mikið, er mest fyrir að hafa þetta bara au de natural.  Við fyrstu tilraunirnar fannst mér hann nú ekki að virka mjög vel, plús það að hann var svo þurr og skrítinn og bara óþægilegur í alla staði.  Ég þakka bara fyrir að vera vel rakaður undir höndunum, því það er nokkuð ljóst að ef ég væri með austur-þýska kvenmanns kúluvarparabrúska þá væri þetta einn samfelldur hárreytingur. 

Í fjórðu eða fimmtu tilraun gerðust svo merkilegheitin, nú átti að taka þetta með ofbeldi og látum svo ég þrumaði eyðinum í krikann og rúnkaði honum upp og niður með fítónskrafti.  Þá hreyfðist plasthulsan…. eehhhh… já, ég trúði ekki mínu eigin handakrikum.  Allan tímann var búin að vera glær plasthulsa yfir eyðinum… helvítis fokking fokk!  Ég gerði það eina rétta í stöðunni, fór niður á fjórar og jarmaði eins og sauður.

 

Góðar stundir

Athugasemdir

[Perla (IP-tala skráð) 20.1.2009 kl. 10:47]

Gott að hlæja svona í morgunsárið.

[dagny (IP-tala skráð) 21.1.2009 kl. 08:59]

þú ert snillingur danni

[Bogga (IP-tala skráð) 21.1.2009 kl. 15:20]

bwahahahaha, já þú ert snillingur það verður ekki af þér tekið ;o)

[anna (IP-tala skráð) 23.1.2009 kl. 15:14]

HAHHHAHHAH

HVERNIG DATT ÞÉR I HUG AÐ SEGJA FRÁ ÞESSU

hahhahhahah ég var að biða i simanum og ákv að lesa þetta a meðan

og veistu danni ég gat ekki talað i ca 3 min þvi ég gersamlega do úr hlátri

 en ég endaði með að lesa upp fyrir gaurinn sem beið óþregjufullur að vita hvað var svona fyndið þannig

allir i BRIMBORG I RVK fengu að heyra þessa frasögn þina 

[Ragna Dís (IP-tala skráð) 27.1.2009 kl. 15:46]

hahahahahhaa Danni ertu ekki að djóka í mér hahahaha þú ert snilli!!!

[Magga (IP-tala skráð) 28.1.2009 kl. 16:09]

Þetta flokkast undir súrefnisskort við fæðingu.