Er tilgangur lífsins að myndast illa?

Ég og myndavélar, hvað er málið?  Það er eiginlega alveg undravert hve illa ég myndast alltaf.  Ég er næstum því viss um að ég gæti komist í Heimsmetabók Guinness fyrir versta og heimskulegasta útlit sem fest hefur verið á filmu.  Við sem berjumst saman í amstri dagsins lentum í þriðja sæti í “Hjólað í vinnuna” og við það tilefni þá var tekin mynd af okkur.  Stækkið myndina með því að ýta á hana, og svo aftur, og sjáið mig standa álkulegan þarna lengst til vinstri.  Hvernig í veröldinni er hægt að myndast svona hálfvitalega??

Það er runnið upp fyrir mér að draumur minn um að taka þátt í Americas next topmodel er kominn á vit feðra sinna. 

Góðar stundir

Athugasemdir

[S. Lúther Gestsson, 31.5.2008 kl. 02:48]

Ég veit ekki hvernig þetta er hægt, hrikalegt að sjá þetta. Sko eiginlega er þetta samt bara voða fín mynd af þér í höfundadálknum, finnst þú eigir bara að hafa hana og þegar einhver þarf að mynda þig þá bara sendirðu honum þessa.

Annars kannast ég afskaplega vel við þetta vandamál þitt og hef marg oft íhugað  málssóknir á hendur ljósmyndurum og þá skiptir ekki máli hvort það er nánasta fjöldyldumeðlimur eða prótúserant ljósmyndari. 

Þetta er eiginlega aðal ástæða þess að ég vill ekki giftast konunni minni, því ég gæti aldrei horft á giftingarmyndirnar hangandi upp um alla veggi hjá skyldmennum. 

[Daníel (IP-tala skráð) 1.6.2008 kl. 00:00]

Mikið er gott að heyra að maður á sér þjáningabræður þarna úti.  Ég sem hélt að ég væri einn míns liðs. 

[Ingibjörg (IP-tala skráð) 13.6.2008 kl. 22:21]

Lengst til vinstri segirðu.........ert þú semsagt Sparisjóðsstjórinn??