Er tilgangur lífsins að vera ökufantur?

Bílslysafréttir, og aftur bílslysafréttir.  Alltof mörg þessara slysa eru vegna óaðgæslu, frekju og of hröðum akstri því það eru alltof margir að flýta sér í umferðinni.  Þau eru ekki ófá skiptin sem ég hef orðið alveg sótsvartur þegar einhver bjáninn er að stunda alveg gjörsamlega tilgangslausan framúrakstur. 

Til dæmis hef ég orðið vitni af ýmsu á leiðinni milli Borgónesó og Mosó.  Eitt sinn var ég í langri bílalest leiðinni upp á blindhæð og allt í einu er kominn bíll við hliðina á mér og hann átti ekki möguleika á því að komast á réttan vegarhelming nema að maður bremsaði sig niður hið snarasta.  Það hefði orðið laglegt hefði bíll komið yfir hæðina.
Á þessari sömu leið hafa ökufantar þrykkt framúr mér og maður sér þá taka fram úr hverjum bílnum á fætur öðrum, takandi allskonar áhættur.  Svo þegar maður kemur í Mosó eða í Borgó þá eru þessir bjálfar annað hvort við hliðina á manni á ljósum eða í sömu bílalest og maður sjálfur.  Og hvað er þetta lið að græða á þessu?  Oftar en ekki er það frekar lítið og fyrir það er lífið sett að veði, og það sem verra er, líf annarra.

Ég held að íslendingar ættu að fara að átta sig á því að það tekur ákveðinn tíma að fara frá A til B, og að leggja líf sitt og annarra að veði fyrir nokkrar mínútur getur orðið dýrkeypt.  Ég held að fólk ætti að taka sér heilræðið hans pabba til fyrirmyndar: “Það er betra að fara hægara og komast”. 
Gefum okkur tíma í umferðinni.

Góðar stundir

Tvær bílveltur á Norðurlandi

Athugasemdir

[FLÓTTAMAÐURINN, 11.4.2008 kl. 19:30]

Þetta er mjög fínn pistill hjá þér nema að bílslys geta ekki orðið vegna of mikils hraða. Réttara er að nota orðin gáleysi eða of hraður akstur miðavið aðstæður.

[Daníel (IP-tala skráð) 11.4.2008 kl. 21:25]

Ég segi bara eins og þeir segja í USA... tómató = tómeitó 

Takk fyrir commentið.

Góðar stundir

[Olgeir Engilbertsson (IP-tala skráð) 11.4.2008 kl. 23:01]

Það er alltof mikill glannaskapur í umferðinni almennt. Íslendingar eru of oft þannig að það er ekki lagt af stað fyr en of seint. Þess vegna eru menn í logandi stressi . Að það skuli þurfa allar þessar hraðahindranir er með ólíkindum. Ég sá ekki eina einustu hraðahindrun í Hamborg eða Berlín. Þar eru þær í heilanum og umferðin gengur mikið betur en hér og líður áfram . Of fáir gefa stefnuljós út úr hringtorgum og það tefur fyrir að óþörfu . Það er ekki nóg að hafa góða vegi ef menn virða ekki viðvaranir . Alvarlegustu slysin verða oft við bestu aðstæðurnar. Ég er alltaf fegin þegar ég er kominn út úr Reykjavík heilu og höldnu. Ég er ekki að dæma þessi óhöpp sem fjallað er um hér að framan því að ég veit ekkert um aðstæður þar.  Með kveðju .Olgeir

[Daníel (IP-tala skráð) 12.4.2008 kl. 01:25]

Það er enginn að dæma eitt né neitt.  Þú minnist á Hamborg og Berlín... ég var í Danaveldi í 2 ár og mig minnir að það sama hafi verið upp á teningnum þar, engar hraðahindranir og æðislegt að keyra.  Við íslendingar getum lært mikið af baunanum hvað umferðarmenningu varðar, þar veit fólk t.d. hvað tillitssemi er. 

Góðar stundir